මිනිස්සු ආදරය, ගෞරවය වගේම විශ්වාස වෙනුවෙන් යුද්ධ කරනවා දැකලා තියෙනවද? මේක ආදරණීය යුද්ධයක් නෙවෙයි ආදරය නිසාම ඉපදුනු යුද්ධයක් ගැන කතාවක්.
මේ දවස්වල හැමෝම දන්න දෙයක් තමයි ඉන්දියාව සහ පාකිස්ථානය අතර දිනෙන් දින උණුසුම්වල යුද්ධය. ඉන්දියාව මේ මෙහෙයුම නම් කරලා තියෙන්නේ සින්දුර් මෙහෙයුම කියලා. මේ මෙහෙයුමට සින්දුර් කියන නම ආවෙ නිකන් නෙවෙයි. ඒකටත් ඉන්දියාවට අපූරු හේතුවක් තිබුණා.
පසුගිය අප්‍රේල් 22 වනදා ඉන්දීය පරිපාලනයේ පවතින කාශ්මීරයට ත්‍රස්ත ප්‍රහාරයක් එල්ල වුණා. මේ ප්‍රහාරයෙන් කාන්තාවන් බොහෝමයකට තම ස්වාමිපුරුෂයා සදාකාලිකවම අහිමි වුණා. තමන්ගේ ප්‍රේමය විතරක් නෙවේ විවාහයේ සංකේතය වෙච්ච සින්දුර් සදාකාලිකවම මේ කාන්තාවන්ට පළඳින්න නොහැකි උනා. ආගම මොකක් උනත් භාෂාව මොකක් උනත් කිසිම වෙනසක් නැතිව ඝාතනයට ලක් වුනු ස්වාමිපුරුෂයන් වෙනුවෙන් මේ කාන්තාවන්ට සදහටම තනි වෙන්න සිදු වුනා. ඒ විතරක් නෙවේ ඔවුන්ගේ සින්දුරුත් ඔවුන්ට අහිමි උනා. ඉතින් මේ වැන්දඹු කාන්තාවන්ගේ අහිමි වෙච්ච සින්දුර්වල වේදනාව කෝපය තමයි ඔපරේෂන් සින්දුර් නමින් මෙහෙයුමකට පරිවර්තනය වෙලා තියෙන්නේ.
ඉන්දියන් මාධ්‍ය වාර්තා කරන විදියට මේ මෙහෙයුමට ඔපරේෂන් සින්දුර් කියන නම තියල තියෙන්නේ ඉන්දීය අගමැති නරේන්ද්‍ර මෝදියි. දැන් ඔබ හිතන්නේ කාන්තාවකගේ සින්දුර්වලට මේ තරම් වටිනාකමක් තියෙනවද කියල නේද? කාන්තාවක් කියන්නේ සුන්දරත්වයෙන් දේවතාවියකට සමානයි. ඒ වගේම තමයි ඇගේ කෝපය කාලි මෑණියන්ට සමානයි. ඒ කෝපය ඉදිරියේ රටක් නෙවේ සමස්ත ලෝකයක් දණ නමන බවට කිසිම සැකයක් නැහැ.
මේ පින්තුරේ ඉන්නේ හිමන්ෂි නර්වාල්. එතකොට ඇය ඉදිරියේ මේ නිසලව තියෙන දේහය ඇගේ ස්වාමිපුරුෂයාගේ. ඔහු නාවික හමුදා ලුතිනන්වරයෙක්. ටිකක් හොඳින් බැලුවොත් මේ පින්තුරය ඔබට හඳුනා ගැනීමට අපහසු නොවේවි. මොකද ඒ තරමටම මේ සිදුවීම ඒ දවස්වල සමාජය තුල කතා බවහට ලක්වුණු නිසා. හිමන්ෂි නර්වාල් කියන්නේ සාමාන්‍ය කාන්තාවක් මේ සිදුවීම වෙනකොට ඇය විවාහ වෙලා දවස් හයයි. ජාතිය, ආගම කුලය මොකක් උනත් කාන්තාවකගේ ජිවිතේ සතුටුම දවස විවාහය. ගැහැණු ළමයෙක් පුංචි කාලයේ ඉදන්ම තමන්ගේ විවාහය ගැන හීන බලනවා. ඒ අතරිනුත් තමන් ආදරය කරන කෙනා සමඟම විවාහ වෙන එක සහ ඉන්දියන් චාරිත්‍රවලට අනුව වට හතක ගිහින් ඔහුත් සමඟ ආත්ම හතක එකට ජිවත් වෙන්න පොරොන්දු වෙන එක ගැහැණු දරුවෙකුගේ ජිවිතේ තියෙන ලොකුම හීනය. හිමන්ෂිට ඒ හීනේ හැබෑ කර ගන්න පුළුවන් උනාට ඇයට හිතෙන්නේ නැතුව ඇති ඇගේ පෙම්වතා ළඟ ඇය ඉන්න අවසන් දින කිහිපයත් ඒක කියලා. මධුසමය ගත කරන අලුත විවාපත් මේ යුවල ත්‍රස්තවාදීන් පිරිසකට හසු වෙනවා. ත්‍රස්තවාදීන් විසින් හිමන්ශිගේ ස්වාමියාට වෙඩි තබනවා. ඔබට මේ ජයාරුපයත් අමතකනම් මේ දෙබස මතකද බලන්න. ලේ විලක් මත වැටිලා ඉන්න ස්වාමියා ළඟ දණ ගහගෙන ඇය ත්‍රස්තවාදීන්ගෙන් මෙහෙම අහනවා. ඇයි ඔයාලා මෙහෙම කරන්නෙ. එතකොට ත්‍රස්තවාදීන් කියනවා ඒක ගිහින් උඹලගෙ මෝ|දි|ගෙන් අහපන් කියලා. ඉතින් ඉන්දියාවේ අගමැති මෝදී මේ කතාවට උත්තර දෙනවා. ඒ ඔපරේෂන් සින්දුර් මෙහෙයුමෙන්. ආරංචි වෙච්ච විදිහට ඉන්දීය අගමැතිවරයා ඉන්දීය- පකිස්තාන් මෙහෙයුම ඔපරේෂන් සින්දුර් නමින් නම් කලාට පස්සේ හිමන්ෂි නර්වාල් විසින් මෝදි රජයට ස්තූති කරල තියෙනවා. ඒ වගේම ත්‍රස්තවාදය අවසන් කරන්න කියලත් ඇය ඉල්ලීමක් කරලා තියෙනවා. තමන්ගේ සැමියා නොමැතිව මේ ලෝකේ ජිවත් වෙන එක කොයිතරම්නම් අමාරුද එයිනුත් තමන්ගේ සැමියා තමන්ගේ ඇස් ඉදිරිපිටම මිය යනවා දකින්න බිරිඳකට කොයිතරම් නම් අමාරුද?
